Frá
námskeiði í febrúar 2003!
---------------------------------------------------------
Alfreð sem skrifar næstu sögu finnst skemmtilegast
að fara á skíði og í sund.
Ég heiti Alfreð og systkinið mitt heitir Gumni og hann er 16
ára. Honum finnst skemmtilegast að leika sér með byssur
og dót. Hann var alltaf einu sinni að drekka gos og uppáhalds
gosið hans er Mountain Dew. Honum finnst leiðinlegt að fara í
Hólaber.
---------------------------------------------------------
Benni er úr Reykjavík og finnst skemmtilegast
í fótbolta.
Ég er Benni og systkinið mitt heitir AAron. Hann er skemmtilegur
og ég leik við hann í boltaleik og hjálpa honum mikið.
Hann er 3ja að verða 4ra á þessu ári. Bróðir
minn er fatlaður en ég veit ekki hvernig hann er fatlaður og
hann er ekki matvandur. Ég held að besti maturinn hanns er hakk og
spagetti og hann er besti bróðir í heimi.
---------------------------------------------------------
Ég heiti Ingibjörg Erla og ég er 12 ára gömul.
Ég á litla systur sem heitir Júlía. Hún er
3ja ára, að verða 4ra. Hún er með CP, það
er fötlun í líkama. Hún getur ekki t.d. setið
sjálf, staðið eða labbað, en hún er dugleg að
tala og það er skemmtilegt að leika við hana. Hún horfir
mikið á spólur en stundum lesum við saman. Einn af uppáhaldsmatnum
okkar beggja er pizza og gos. Hún getur verið pirrandi en ég
myndi ekki vilja skipta á henni og öðru heilbrigðu barni.
---------------------------------------------------------
Lísa
er 10 ára og býr í Breiðholti.
Hæ ég heiti Lísa og bróðir minn heitir Steini.
Hann er 17 ára að verða 18. Hann er kominn með bílpróf
og hann æfir keilu. Hann fer einu sinni í viku upp á Kjalanes
og er frekar stríðinn og hann er eiginlega alldrei heima. Hann
er alltaf hjá vini sínum. Honum finnst gaman að keyra og
finnst gaman í skólanum Hann er í Iðnskólanum.
---------------------------------------------------------
Þessa sögu skrifaði Ívar Örn
og hann á heima í Reykjavík.
Systkini mitt heitir Ragnar. Ég hitti hann aðra hvora helgi og hann
býr hjá pabba mínum. Honum finnst gaman að leika sér
í Nintendo tölvunni sinni í Marío leikjum. Besta vinkona
hans heitir Ásdís. Hann getur æst sig ef hann fær
ekki það sem hann vill.
---------------------------------------------------------
Hún
Guðrún Margrét skrifaði fyrstu söguna og heitir hún
"Nokkur ár með Aaroni"Hæ,
ég heiti Guðrún og ég er 11 ára. Ég
á heima í Reykjavík og mér finnst gaman að
eiga bróður eins og Aaron. Eftir nokkur ár er Aaron orðin
betri í að segja eitthvað, en kann samt ekki að tala. Hann
kann að segja mamma og húfa en ber orðið húfa þannig
að það heyrist húa. Hann stendur með því
að halda sér í eitthvað en núna meðjafnvægi.
Hann er farinn að tæta í öllu eins og hann sé
eins árs en er þó 3ja ára. Þeir sem eru seinþroska
geta ekki hugsað nógu vel. Hann er frekar seinn að því
að labba en skríður þó í staðinn. En
þótt hann nái ekki að labba í sumar þá
þykir mér samt vænt um hann. Þett er það
sem mér finnst um Aaron í dag.
---------------------------------------------------------
Hér
er saga eftir Gunnar Má sem á heima í Reykjavík
og þykir gaman í sundi og handbolta.Ég
heiti Gunnar Már og systkinið mitt heitir Ólöf Þorgjörg.
Ég veit ekki hvernig hún er fötluð. Hún kann
ekki að tala en samt getum við leikið okkur saman og hlæjum.
Okkur þykir báðum nammi gott og við erum systkini.
---------------------------------------------------------
Stefanía er 12 ára og á heima í
Kópavoginum og hún á fatlaðann tvíburabróður.
Hæ ég heiti Stefanía og systkinið mitt heitir Ragnar.
Hann er seinþroska. Við erum tvíburar. Þegar hann var
með mér í skólanum þá var hann alltaf
einn og mér fannst oft gott að sjá hann í frímínútum.
Ég bað um að hann yrði ekki settur í sama bekk og
ég út af því að annars yrði alltaf annar
sérkennslukennari í stofunni að hjálpa honum. Mamma og pabbi sóttu um að hann fengi að fara í Öskjuhlíðarskóla
og hann fékk það. Nú líður honum og mér
miklu betur andlega og félagslega. Þegar Ragnar verður kanski
20 ára þá held ég og vona að hann eigi eftir
að ná bílprófi. Ég vona samt mest að hann
eigi eftir að vera hamingjusamur og eigi eftir að giftast góðri
konu. Samt held ég að hann eigi aldrei eftir að eiga börn.
---------------------------------------------------------
Iðunn skrifar næstu
sögu og hún á bróðir sem er með S.M.A.
Ég heiti Iðunn og fatlaða systkinið mitt heitir Þorsteinn
Sturla og er kallaður Stulli. Bróðir minn er með S.M.A. Það
er taugasjúkdómur og vöðvahrörnunarsjúkdómur.
Stulli er 3ja ára og hann er mjög gáfaður miðað
við aldur. Hann lærði að tala 1 árs og var orðinn
samræðufær um 2ja ára. Hann er mjög þrjóskur
og frekur og fær oftast það sem hann vill en mér þykir
samt vænt um hann. Við eigum einn annan bróður sem heitir
Steingrímur. Stulli og Steini (Steingrímur er kallaður Steini)
leika eiginlega alltaf saman og eru bestu vinir. Stulli er í leikskóla
en ég og Steini erum í Salaskóla. Stulli þarf að
nota hjólastól vegna sjúkdómsins og hann er í
skjúkraþjálfun. Honum þykir skemmtilegast að leika
sér með afríkudýrin. Við eigum heima í Kópavogi.
---------------------------------------------------------
Árni Hlynur
á bróðir sem er fatlaður og er eldri en hann.
Ég heiti Árni
Hlynur og bróðir minn heitir Kristján. Bróðir minn
er fatlaður og hann talar hægt og gerir margt hægar en við.
Hann er 13 ára og ég er 8 ára að verða 9. Hann
er í Öskjuhlíðarskóla og ég er í
Selásskóla. Bróður mínum þykir margt skemmtilegt.
Hann æfir sund og ég líka. Honum þykir matur góður
eins og mér. Mér þykir vænt um hann.
---------------------------------------------------------
Ég heiti Andrea og bróðir minn heitir Björn Friðrik
og er 11 ára. Honum finnst gaman að stríða mér
en mér finnst það leiðinlegt. Ég er 8 ára
að verða 9 í apríl en bróðir minn verður
ekki með í veislunni. Hann verður 12 ára í nóvember
þá verður veisla með fjölskyldunni. Hann er glaður
finnst mér og hann er mjög góður.
---------------------------------------------------------
|
2003
