Blöðruleikurinn.
Þessi leikur er einn sá vinsælasti á námskeiðum hjá okkur.

Hann virkar þannig:

Í leikinn þarf um 10 uppblásnar blöðrur, 2 borð, tvær teiknibólur og 4 eða fleiri leikmenn.

Skipt er í tvö lið og höfðingjar valdir. Best er að staðsetja leikinn í tómum gangi og eru borðin sett við endan sitt hvoru megin og á bak við þau standa höfðingjarnir. Í miðjunni á milli borðanna eru svo liðin tvö.

Leikurinn hefst með að blöðru er hent upp í loftið í miðju leiksvæðisins og markmið leiksins er að koma henni til höfðingja síns sem heldur á teiknibólu og á að sprengja blöðruna. Hann má ekki teigja sig yfir borðið heldur verður blaðran að ná alveg til hans áður en hann getur sprengt hana. Þegar annað hvort liðið hefur sprengt blöðru fær það eitt stig og önnur blaðra er sett í leikinn. Þegar svo allar blöðrurnar hafa verið sprengdar eru þeir sigurvegarar sem sprent hafa flestar blöðrur.

Við bendum á að það er best að ekki sé verulegur hæðarmunur á þeim sem leika. Ef pláss er lítið er hætta á að í hita leiksins verði þeir sem lægstir eru fyrir smá hnjaski þegar þeir stærri gleyma sér því alltaf er horft upp til að fylgja blöðrunni í þessum leik.

Það má auðvita alveg vera með fleiri eða færri blöðrur og ef borð eru ekki til staðar er hægt að merkja með treflum á gólfið eða öðru tiltæku en þá er betra að skipa dómara sem fylgist með að ekki sé stigið yfir strikið. Einnig er enginn vandi að leika þennan leik úti þá örfáu daga sem logn er.

Góða skemmtun.