• Frú Ráðhildur • Leikir • Brandarar

Hér getur þú lesið póst frá krökkum sem koma með spurningar til mín. Þú getur sent mér bréf ef þú ert í vandræðum og vilt spyrja mig og líka ef þú hefur einhver ráð handa þeim sem hafa skrifað mér. Hlakka til að heyra frá þér.

Kæra Ráðhildur,
Hjálp!!! Það skilur enginn neitt. Þegar ég segi vinum mínum frá litlu systur minni, þá skilja þeir ekki hveð hún er yndislegur krakki og hvað hún getur gert mikið. Það eina sem vinir mínir sjá er hjólastóllinn hennar og hendurnar sem hún baðar út í loftið. Er ég sá eini með þetta vandamál? Hvað get ég gert?
    Einn sem líkar vel við systur sína
------------------------------------------------------------------------------------------------------------------

Kæra Ráðhildur,
Ég vildi óska þess að ég þekkti einhvern sem á systur með vandamál eins og systir mín. Ég á vini, en þeir skilja ekki hvernig er að eiga systur sem fær flog og verður svo veik að hún þarf oft að fara á spítala. Vinir mínir skilja ekki heldur það góða við hana. Ég var mjög stoltur þegar systir mín sem er 6 ára lærði loksins að fara á klósettið. Eru til krakkar sem vita hvernig það er að eiga systur eins og systur mína?
    Eru til fleiri sem eiga svona systkini?
------------------------------------------------------------------------------------------------------------------

Kæra Ráðhildur,
Vonandi getur þú hjálpað mér. Eldri systir mín er fötluð. Vinir mínir spyrja mig stundum hvað sé að h enni og hvernig hún varð svona. Kennarinn minn spurði mig líka að þessu einu sinni. Ég veit aldrei hvernig ég á að útskýra fötlun systur minnar fyrir öðrum. Getur þú leiðbeint mér?
    Orðlaus
------------------------------------------------------------------------------------------------------------------

Kæra Ráðhildur,
Bróðir minn kemst upp með allt. Hann þarf aldrei að gera neitt heima bara af því að hann er fatlaður. Ég veit að hann getur ýmsilegt, en foreldrar mínir láta hann aldrei gera neitt.
    Ein svikin
------------------------------------------------------------------------------------------------------------------

Kæra Ráðhildur,
Mér líður eins og Öskubusku. Foreldrar mínir láta mig passa yngri systkini mín, sérstaklega yngri systur mína sem er einhverf. Ég eyði líka hverjum laugardegi við að hjálpa mömmu að hreinsa húsið. Ég fæ aldrei að gera neitt sem mig langar til. Finnst þér þetta réttlátt?
    Ein sem spyr. Hvar er Álfadísin mín?  
------------------------------------------------------------------------------------------------------------------

Kæra Ráðhildur,
Stundum líður mér eins og ég sé ósynilegur. Bróðir minn er með Down heilkenni. Það þarf mikið að sinna honum og virðist það taka allan tíma foreldra minna. Einu skiptin sem foreldrar mínir veita mér athygli er þegar ég lendi í vandræðum og það þarf að skamma mig. Hvernig get ég komið þeim í skilning um að þaug eiga tvö börn en ekki bara eitt?
    Ósýnilegi maðurinn
------------------------------------------------------------------------------------------------------------------

Kæra Ráðhildur,
Bróðir minn fer alltaf inn í herbergið mitt í leyfisleysi og rústar öllu. Mamma lætur hann aldrei taka til eftir sig, segir að hann kunni ekki að laga til. Hún segist ekki hafa tíma til að gera það sjálf. Hvað get ég gert við bróður minn og hvað á ég að gera út af herberginu mínu.
    Ein sem vill hafa fínt í kringum sig.
------------------------------------------------------------------------------------------------------------------

Kæra Ráðhildur,
Ég er öskureið. Núna rétt áðan truflaði systir mín mig í fimmta skiptið við heimanámið. Hún lætur mig aldrei í friði. Sérstaklega þegar vinir mínir eru hjá mér. Hjálp!!!
    Ein sem er öskureið
------------------------------------------------------------------------------------------------------------------